Kukuarri

San Nikolasak 2009

tiadial — Fri, 04 Dec 2009 18:30:10 +0000

Gaur emangoyeu Oriyoko San Nikolas festai hasiera.

Egualdi frexkua don arren, bertako anbientiakin ezin leike hotzik pasa!

Interesauta daonantzat hemen atxikitzet egitaraua:

Egitaraua

Animatu zaitez, mereziuta!

Zai ginan eta pasa da!!

tiadial — Mon, 30 Nov 2009 19:28:17 +0000

Ostialen atsaldeko seiretan 9 eta 12 urte bitarteko herriko 100 haurrekin Azpeitiruntz abitu ginan, ilusiyoz beteta, gogotsu, pozik… prest abenturarako!

Eta kitto, pasa da asteburua. Baino kostakoa bertan bizitakua ahazten. Makina momentu on, tentso eta berezi igaroitugu hain denbora motxen…

Bikaina da aisialdiko begirale izatia! Hainbeste eskaintzen diyeu haurrei, beayek guri, begiraleok elkarri…

Oriyoko Txurrumuski Aisialdi Taldeko partaide naiz oan dala 5 urte ingurutik eta bizitako guztik bizita, animatze zaituet probatu eztezuen guzti hoyei hau probatzea!

Oan soinen dakaun nekiai aurre inez, hasiera eman berkoyou aste berriyai eta halako geyon zai geatu berko… etorrikoiata!

Isiltzen banaiz

tiadial — Tue, 24 Nov 2009 21:28:56 +0000

Ilusio optikoak

tiadial — Thu, 19 Nov 2009 11:59:16 +0000

Non da haurtxoa?

Neska ala musikaria?

Aiton-amonak ala musikari mexikarrak?

Eta orain saiatu zaitez honekin:

Hipatia Alexandriakoa

tiadial — Mon, 16 Nov 2009 12:42:40 +0000

Matematikan lizentziaduna izanik, matematikari egingo diot orain tartea.

Hipatia lehen emakume matematikaria izan zen. Alexandrian jaio zen IV. mendearen erdialdera. Aita, Alexandriako Teon matematikari eta astronomo ospetsu bat zen, bere garaikideek maite eta errespetatzen zutena eta bertako liburutegian lan egiten zuena. Teon ez zen konforme bere jakinduria berarentzat eta bere ikasleentzat soilik gordetzen, eta bere alabari erakutsi zizkion, gauza harrigarria IV. mendean. Hipatia, jakinduria orori irekia, giro akademiko eta kulturdunean hezi zen. Historialari batzuen arabera, alaba aitari gailendu zitzaion eta Teonen idazki asko benetan Hipatiarenak direla uste da.

Hipatiaren hitz batzuk ekarri nahi ditut gogora:

“Defendatu pentsatzeko duzun eskubidea, oker pentsatzea ez pentsatzea baino hobea baita.”

Maialen Lujanbio nagusitu zen Bergarako finalaurrekoan

tiadial — Sun, 08 Nov 2009 16:33:19 +0000

Bertsozale amorratua naiz eta atzokoan Bergarara joan nintzen Bertsolari Txapelketa Nagusiaren finalaurrekoetako lehen saiora. Maila handiko bertsolariak jardun ziren taula gainean eta saio ederra entzuteko aukera izan genuen bertaratu ginen 1550 bertsozaleok. Ondokoa izan zen puntuazioa:

Maialen Lujanbio 708,5

Aitor Mendiluze 680

Beñat Gaztelumendi 644,5

Jon Martin 619

Etxahun Lekue 608,5

Fredi Paia 596

Kartzelako saioan Maialenek botatako hiru bertsoak eta erabili zuen doinua barruraino sartu zitzaizkidan eta kuriositatea sortu diodanarentzat, hemen jarriko ditut entzungai.

Txapelketaren nondik norakoak jarraitu ahal izateko, klikatu hemen behean eta informazio ugari eskura dezakezu:

Bertsolari Txapelketa Nagusia 2009

IKTak hezkuntzan

tiadial — Wed, 04 Nov 2009 23:43:06 +0000

IKTak_hezkuntza_aireberritzeko_aitzakia izeneko artikulua irakurri ostean, honakoa da gaiaren inguruan egin dudan gogoeta:

IKTen inguruan nire gogoeta

Gai honekin ari naizela, ezin aipatu gabe utzi Web 2.0 -a, erabiltzaileen partehartzean eta informazio trukaketan oinarritzen diren Inerneteko web-zerbitzuak definitzeko sortu den terminoa , alegia. Web 2.0 -az gehiago jakiteko, hona hemen gure taldeak klasean prestatu zuen aurkezpena:

Orioko Harribil Dantza Taldea

tiadial — Tue, 03 Nov 2009 11:11:34 +0000

Duela hamabost urte sortu zen Harribil, itsas bazterreko harkaitz biribil bati izena kenduta. Herritarrak dantzara biltzea zen sortzaileen asmoa. Hori bai, hamabost urte hauetan, herrian dantzatzeaz gain, kanpora ere joan dira beren dantzak erakustera: Donostiako Musika Hamabostaldia, Frantziako Saint Ciers sur Gironde eta Italiako Orio-Canavesse herrietan izanak dira Euskal Herriko hamaika herritan bezalaxe. Duela zortzi urte gazteenek hartu zuten erreleboa eta gaur egun 30 bat gazte dabiltza Harribilen dantzak ikasi eta plazaratzen. Euskal dantza tradizionalak lantzetik taldean sortutako koreografiak plazaratzera pasa dira.

Orain dela zortzi urte erreleboa hartu zuen gazte horietako bat izan nintzen eta aurten eman diot dantza taldeko nire ibilbideari amaiera. Ezin dut hitzez azaldu bertan bizi eta sentitutakoa eta blog honetan tartetxo bat eskeintzen diet bizipen guzti horiei. Jarraian ibilbide honetako hainbat argazki jarri ditut.

Iepe!!

tiadial — Mon, 26 Oct 2009 16:02:35 +0000

Oriyotar bat blogen munduan…

Ebaluazio_irizpideak